උසස් පෙළට ඉගෙන ගන්න පොඩි කෙළි පැටියෙක් උන්නා
පාඩම් වැඩ කරනු පිණිස තව කොලුවෙක් එහි එන්නා
මේ දෙන්නා පාඩම් වැඩ කරන්නෙ උඩ තට්ටුවේය
මව්පිය දෙන්නා නිතරම ඉන්නෙ පහළ තට්ටුවේය
පහළ සිටිය පියා දිනක් කඩල මුලක් රස විඳිනව
කඩල උඩදදා හිනැහී මව්හට ඔච්චම් කරනව
කඩල ඇටය උඩවිසිකර කට දල්වා සිටින්නේය
කටට වැටුණු විගස හෙතෙම හිනැහී ඔජ වඩන්නේය
මෙහෙම දෙතුන් වරක් කළා - මව්ද සිටී සිනා සලා
ඊළඟ එක හුටා පටා - කටේ නැතිව නහයෙ ගියා
හුස්මත් ගන්නට බැරිවී ඔහු උඩපැන නටන්නේය
හොඳටම බිය වී අම්මා යටිගිරියෙන් හඬන්නේය
මේ හඬ ඇසිලා උඩ සිටි දෙන්නා දුවගෙන එන්නා
ඔහොම ඉන්න අංකල් මම ඕකට විසඳුම දෙන්නා
කොල්ලා තම ඇඟිලි තුඩක් නාස් පුඩුවකට දැම්මා
හිරවුණු පුඩුවෙන් පිඹින්න පියාට උපදෙස් දුන්නා
ඒ ප්‍රතිකර්මය නියමයි කඩල ඇටේ විසිවුණේය
කාගෙත් පැසසුම් ලබමින් කොල්ලා පිටවී ගියේය
ඒකා නම් දක්ෂයෙක්ය අම්මා පුරසාරම් කියනව
ලොකු වෙල කවුරුන් වේවිද පුළුවන් නම් ඔහෙ කියනව
ඒ ගැන හරියට කියන්න නම් මට නම් කිසිවක් නොහැකිය
හැබැයි ඉතිං ටක්කෙට මට මේ දේ නං කියනු හැකිය
උගෙ ඇඟිල්ලෙ සුවඳ අනුව නිසැක ලෙසම මං කියන්නෙ
සැක නෑ මතු අනාගතේ ඌ මගෙ බෑණමයි වෙන්නෙ...
